Kronyk van Vlaenderen

[792]

In 't jaer Ons Heeren VIJ^c ende xcij, binnen des groeten Karels tyden, regnerende de Paus Leo, ende de keyzer Constantinus, Liederic van Haerlebeke, Esthoreyts sone, Bosschaerts sone, die heere von Luevene was, des Liederijcs van Lillesbuc derdde sone. Dese Liederijc van Haerlebeke was van den groeten coninc Karel ghemaect forestier ende prinche van den forieste van Buc oft Vlaenderen, ende hy vant dat landt zeere wilt, van

[p. 13]

busschen, val van roevers, ende van mordenaers. De coninc Kaerle de Groete deder moneken comen, die dat kersten gheloeve daer predeken souden, omme 't folc te bekierne. Dese Liederic van Haerlebeeke suverde dland van Buc, dats Vlaenderen, van den roevers, dieven, ende mordenaers, ende deedse alle an boemen hanghen. Hy regneerde onder den coninc Kaerle den Groeten, onder den coninc Lodewijc den Goederthieren, hy was de dardde forestier van Vlaenderen, hy stichte de canezye te Haerlebeeke, ende leeght daer begraven, hy regneerde xliiij jaer, ende hy starf in 't jaer Ons Heeren VIIJ^c ende xxxvij.