[837]
Inghelram, sone Liederijcx van Haerlebeeke, regneerde als forestier in Vlaenderen xvij jaer onder den goederthieren coninc Lodewijc, ende onder Karlen den Caluwe, denwelken dat hy manschap dede van den foreste van Vlaenderen. Dese Inghelram dede in Vlaenderen vele steden, jeghenoden ende dorpen maken op beken, ende daer goet winnende landt lach, ende hy dede selve te sinen behouf vele goedts winnende landts maken, ende oec sijn sone Andacre. Hy starf in 't jaer Ons Heeren VIIJc ende lij ende leeght te Haerlebeke begraeven, by sinen vader.
Auteursrechtvrij