[686]
Anthonijs, de oudste sone van Liederyke, was prinche ende forestier van Vlaenderen, ende hy regneerde xvijder jaren. In sinen tyde, quamen de Hunen, de Wandelen, ende de Alanen, ende bedorven een groet ghedeel van Vrankerike, ende sy quamen in Brabant, ende oec in Vlaenderen, versloughen 't folc, ende leverden 't al ten zweerde, dat jeghen hemlieden quam, ende deze Anthonijs bleef versleghen van desen ongheloveghen heydenen honden, ende alle sijn kindere, ende oec dat meeste deel van sinen broeders, in 't jaer VIJc ende iiij; ende Vlaenderen bediede weder op Bosscharde, Anthonijs des forestiers broedere, ende wart Vlaenderen weder zeere wilt, ende ombewoent, mits der schaden van desen orloghe vorseit.
Auteursrechtvrij