Het zal koud zijn in 't water als 't vriest

Regelnummers proza verbergen

Appendix B

1(Hier volcht de expositie van de Pantagruelsche Prophetie)^*

2Den drucker tot den leser

3Beminde leser, vreesende dat ghy grootelijcken mocht verschrict oft verbaest zijn, oft teseer u 4hooft breken om te verstaen de verborghen secreten en de wonderlijcke misteriën van der 5Pantagruelsche Prophetie, dewelcke wy corts hebben laten uutgaen in druc, annex ende met de 6Pantagruelsche Prognosticatie, soo ees 't dat wy ghedacht hebben alhier in desen (tot verlich-7tinghe uwer herten) een luttel verclaers vandien te doene. Alvoren daer si spreeckt de zake effect 8te sorteren op d'eynde van december, daer meucht ghi verstaen den Kersnacht, ende voor de 9seker secte van volcke, eenighe vertacte speelders, dewelcke terselvertijt wel mochten versaemt 10zijn om te studeren in 't Boeck Van Den Houte, die men heedt 't verkeerbert.

11Bij de vremde ghedrochten meucht ghi verstaen de terlingen oft dobbelsteenen, die uut den 12donkeren holen van haerlieder broec oft borse comen sullen, met dewelcke spelende souden wel 13meugen gebeuren dat si, om 't spels wille, den name Gods versweren ende verloochenen souden. 14Bi de conningen meucht ghy verstaen de quarten of 't quaertspel, 't welcker oock wel mocht te 15berde comen ende geraken te spelen met elck om 't seerst den nacht lanc duerende, oft immers 16totdat dat wonderlijck dier, den hane, craeyt, dewelcke gheen voeten mer clauwen heeft, ende 17een kennisse van den toecomenden daghe. Ende uut zijnen ghecraey mochten si wel een 18achterdincken ende vermaen crijgen om 't spel te staken. Den ongheborenen kerstenen hooge 19verheven sal zijn een clocke, dewelcke te metten oft te kersmisse luyden sal, ende mocht alsoo 20met haren gheluyt dese speelders doen scheyden, ende meer andere geselschappen, van alle 21soorten van volcke, om ter kerkcken te gaen, alwaer een geloovich mensch oft priester zijnder 22moeder (dat 's de kercke) met voeten treden sou, ter presentiën van haren bruydegom Jesus 23ende ten aensiene van Godt onsen hemelschen Vader. Al d'ander vremtheden ende selsaemhe-24den, die in deselfde prophetie genoech vremdelijc luyden, daeraf sult ghi, die lesende met desen 25corten verclaersel, ghenoech onse meyninghe weten indien ghi u des tuyschers bedrijf een 26weynich verstaet. Voorts, beminde leser (hopende u naemaels met een beter werck dit te 27recompenseren), soo bidden wy u desen onsen arbeyt ende simpel bedrijf in dancke te nemen 28sonder eenichsins daerin geschandalizeert te wesen, want het in der waerheyt tot geenen eynde 29min ghestelt noch ghedruct en is, noch tot yemants cleynicheyt oft verminderinghe, ende noch 30min uut schimp oft vilonie; niet meer onse voorgaende prognosticatie dan prophetie ende 31tegenwoordich mandament, nemaer alleenlijcken tot verlichtinghe eens yegelijcx vermoeyden 32geest van treffelijcke studatie oft teghenspoedighe fortune; dat ken God, dien wy u bevelen.

* Fol. [A4] recto van Ordinantien 1560 (met weglating van explicit); titel ontleend aan [A3] verso. Vgl. BT 4176, ex.: KB Brussel.