Hollands Nachtegaeltien verryct met een nieu twede deel genaemd Hollandts en Zeeuws Nachtegaels t'samen-gezangh

O suyverlijcke maeght, hoe kondy my doen toomen?

Stemme: Esprit qui souspirées.

O Suyverlijcke Maeght, hoe kondy my doen toomen?
Hoe kort dat al mijn doen tot uwen dienste streckt?
Mijn slapen neemt ghy my, vol treffelijcke dromen,
Al legh ick schoon te bedt, mijn rust ghy my ontreckt.

2 Al gae ick over straet, ghy staet in mijn gedachten,

U liefde my verblint, ick loop de Luy op 't lijf,
Al sagh ick d' alderschoonste, of diemen schoonst mocht achten,
Sy zijn mij 't ken nau waert, en dat door u bedrijf.

3 Ick overlegh altijt hoe ick u magh behagen,

Waer dat ick sit mijn hant rust altijt onder 't hooft:
Dan wil ick mijn druck alleen mijn oogen klagen,
Nochtans wensch ick geluck, die my mijn vreucht berooft.

4 Mijn pen en tongh altijt mijn schoonheyt moeten eeren,

[p. 172]

 

Hoewel u ongena hier dickwils tegen strijt:

 

Dan wout ghy my tot mijn (laes!) eenighsins verneeren,

 

Al wat ick dan vermocht, dat was u toegewijdt.

 

 

 

5 Mocht ghy mijn waerde Vrouw in 't ent eens zijn geheeten

 

Ick achte d' aerd te kout, die ghy betreden sout:

 

Mijn handen droegen u, om hoogh waert ghy geseten,

 

Veel hooger als de Maen, zijn hooge wooningh houdt.

 

 

 

6 Die wercken souden u hier klaerlijck van getuygen,

 

Reyn aersch schoonste Goddin gelijck ick u verbrey,

 

Hen die rijck zijn van goedt valt swaer soo laegh te buygen,

 

Ten zy men acht de trou Princes in dese Mey.

Vrede baert rust.