Hollands Nachtegaeltien verryct met een nieu twede deel genaemd Hollandts en Zeeuws Nachtegaels t'samen-gezangh

[p. 77]

[Roemt Griecken dijn Penelope]

Stemme: Jephta een, &c.

ROemt Griecken dijn Penelope,
Sy moet noch maken stee,
Hoe kuys ghy haer beelt voor mijn Goddin,
Wiens sedige manieren,
Diana selver niet te min,
Noch souw cieren.

2 Swijght Romen vry van dijn Lucrees,

Dies met haer doot bewees,
Na dat sy van Sextus was verkracht,
Heel rouwigh om haer eere,
Haer kuysheyt had wel groote macht,
Maer wilt leeren.

3 Dat kuysheyt van de naem of staet

Heeft heel een ander graet,
Met de kuyscheyt van een vroom gemoet,
Lucretia de schande,
Die sy haer waent, de doot haer doet
Met haer handen.

[p. 78]

 

4 Mijn Nymph draeght kuysheydts eygen beeldt,

 

Diese in haer boesem teelt,

 

Kuysheyt schoon Godin, die door geen staet

 

Noch pracht en is te scheyden:

 

Noch vermaert door veel vryers praet,

 

Als sy beyden.

Velden.