Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrij[lied 84]Ga naar voetnoot+1 DIe Ga naar voetnoot+ sonne der rechtuerdicheit
die is nu op gheganghen
die vroude wil ons werden breyt
daer heeft ons nae verlanghet
gheboeren is die hilighe cryst
| |
[pagina 294]
| |
die der warlt een verloeser is
nu laet ons yubelieren
Die enghelen songhen den soeten sanck
dattet yn den hemel clanck
goede yn exelses gloria
2 Die duyster wolke is verdreuen
die ons den schaeden dede
dat die sonne nyet en conde ghegeuen
oer licht op enyghen steden
Die maene gheeft ons lichten schyn
sie wil der sonnen een hulper syn
ghenaede wil sich meren
Die enghelen songhen dien soeten sanc
dattet ynden hemel clanck
gode yn exelses gloria
3 Die serpent hielt menych iaer
gheuanghen onse ghe
| |
[pagina 295]
| |
slachte
des synne wi heen ghequytet daer
myt christus gheboerte van rechte
Die gheboerte betemmet ons alleen
dat daer heeft ene ionc frouwe reyn
een kyndeken ghewonnen
Die enghelen songhen den soeten
4 Drie conynghe qaemen ghereden daer
soe veer wt heiden scappe
ene sterne gheleide sie apenbaer
sie quam van goedes crachte
merze wirock Ende golt
dat brachten daer drie heren stolt
sie brachten salicheiden
Die enghelen songhen den soeten sanck
| |
[pagina 296]
| |
5 Heroedes was des harde toernych
hi wolde salicheit nyden
dat goedes soene gheboeren was
hi en conde des nyet gheliden
Hi warp enen toerne yn synen moet
ende hi verstortede der kynderbloet
want hem was harde lede
die enghelen
6 Verurouwet v kynder ionc ende oelt
nu roepet ende synghet lude
Ende maeket uwe vroude menychvoelt
god is gheboeren huden
hi is ghebaeren van marien
hi wil ons vanden sonden vrien
des helpe ons maria
Die enghelen Ame Ga naar voetnoot+
|