Handschrift Berlijn mgo 185 (15de eeuw)

Handschrift Berlijn mgo 185

(15de eeuw)–Anoniem Handschrift Berlijn mgo 185– rechtenstatus

Auteursrechtvrij

Vorige Volgende


[lied 83] vanden hiligen sacramante 1 INden tyden van den jaren doe god aldynck volbracht van judas waert hi verraden den valschen joden vercost vander doet is hi opuerstanden geuaeren ter ewicheit den joeden tot eenre scanden tot troest der kerstenheit 2 Wat heeft hi ons gelaten dat hi ons ten lesten gaf Een scat is bauen maten ende geen tonge wt spreken en mach dat hilige sa
[pagina 289]
cramente gades lichaem ende oec syn bloet dat gaf hi ons ten lesten doe hi aenden cruce stont 3 Die joden al gemeyne si en wolden geloeuen niet datmen in die hostie reyne gades lichaem consakeriert al tusschen des priesters handen daer dat kersten geloue aen steet god moet alle die joden scenden auer al die werlt breyt 4 Myt rechte wille wyse straffen men salse al verslaen auer die joden roep ik wapen groet moert hebben sy gedaen sy hebben dat lichaem ons heren Ga naar voetnoot+ van judas broeder gecost al indie quater temper voer sante mychiels dach 5 Die cloc solde elue vren slaen omtrent toe myddernacht die coster quam totten joden gegaen
[pagina 290]
syn wijf hi mit hem bracht hi sprack gy heren al gemeyne wat is v begeert doe sprack die ouerste vanden joden och coster coemstu hier 6 Die ouerste vanden joden gync byden coster staen wyldy ons die ostie vercoepen die die kerste gedragen haen al in die gulden monstrancie die die priester seluen droech wy en willen v daer niet voer dancken wy willen v geuen geldes genoech 7 Die coster mit synen wyue nam enen corten raet mocht dat verhaelen blyuen ons god den soldy haen wat wildy my daer voor geuen ic leueren v toe myddernacht dat kost ons allen ons leuen wordet voer den heren gebracht 8 Wy willen alle swygen spraken
[pagina 291]
die joden al gemeen dertich gulden moegdi crygen al voer die ostie cleyn die coster mit synen wyue hi was der meren vroe dat hi die gulden solde crygen sy gyngen ter kerken toe 9 Sy gyngen den ouersten haelen die pylatus aenden cruce dede slaen sy hebben hem als een dief gestalen den ouersten vanden throen die coster mit synen vuelen handen tasten in dat scone crystal sy namen den conynck der glorien sy droegenen daer vandan 10 Doe sy god seluen brachten daer die joden waren by een sy lachten ende sy spotten sy scempten al mit hem Sy deden dat lichaem ons heren soe grote smacheit aen daer lach die Conynck van groter eren in alsoe groter noet 11 Een tafel waert daer voert gebracht
[pagina 292]
daer gyngen sy alle omstaen dat hilige sacramente waert daer op gelecht gades lichaem alsoe scoen sy wolden hem bynnen ende buten scouwen oft waer gades lichaem ende bloet sy hebben dat toe stucken ghehouwen O wee den bitteren doet 12 Dat bloet quam daer gevlaten auer al die tafel breet wt gades lichaem gegaten daert huden te dage op steet die coster mitten joeden hem waert soe bange toe moede alst was doe god onse here al aenden cruce stont 13 Die wachter opter mueren sat hi waert des jamers Ga naar voetnoot+ wys in eenre corter vren quam daer menyge scoen tertys processien crucen ende vaenen dat volc dreef jamer groet si droegen die tafel totter kerken al mit den hiligen bloede
[pagina 293]
14 Negen ende C waert der joden verbrant die coster most hem seluen hangen als judas woert hi geschent hi riep mit luder stemmen Och myns en wort nvmmermeer vroude becant ende ic moet ewelic bernen al inder hellen gront 15 Ghy mannen ende oec gy vrouwen die daer vast geloue in haen dat wi in die ostie reyne gades lichaem sekerlic ontfaen al van des priesters handen daer dat kersten geloue aen steet god moet al die joden schenden auer alle die werlt breyt Amen	voetnoot+ Na 'heren' doorgehaald: onleesbare letter. voetnoot+ Na 'des' is het woord maere doorgehaald. Boven de doorhaling is in slecht leesbare letters 'jamers' bijgeschreven.

Vorige Volgende

Over dit hoofdstuk/artikel

lied

Naar de Nederlandse Liederenbank