Handschrift Berlijn mgo 185

[lied 76]

vanden hiligen drie conyngen

Een kyndekyn is ons gebaren
in betlahem
des hadde herodes toerne
dat scheen aen hem ⁺

1   Drie Conyngen wt orienten
die quamen tot Jherusalem
sy vraegden waer is hier gebaeren
die conynck der Joden

+ gezien de herhaling is dit een koprefrein.

[p. 266]

 

 

sy sagen in orienten

 

die steerne syn

 

wy comen om aen te beden

 

dat kyndekyn

 

 

 

Een kyndekyn

 

 

 

2   Als herodes dat vernam

 

dattet kyndekyn gebaren was

 

hy wart toernich ende gram

 

ende hi ontsach hem des

 

dat hi verliesen solde

 

syn ryke was groet

 

hi pensden hoe hi mochte brengen

 

dat kyndekyn ter doet

 

 

 

Een kyndekyn

 

 

 

3   Herodes sprack den conyngen toe

 

gaet hen ende sueket dat kynt

 

mit alsoe groter weerdicheit

 

men secht hi is Conynck

[p. 267]

 

 

ende bauen alle Conyngen

 

soe is hi fyn

 

my doncket hi sal besytten

 

dat ryke myn

 

 

 

Een kyndekyn is ons

 

 

 

4   Als gi dat kynt hebt vonden

 

keert weder ende segt my

 

dat ic in corten stonden

 

mach weten waer dat sy

 

ic solden alsoe geerne aenbeden

 

hy is soe fyn

 

hi heeft soe seer doersneden

 

dat herte myn

 

 

 

Een kyndekyn is ons

 

 

 

5   Als die Conyngen quamen

 

buten Jherusalem

 

mit vrouden dat sy vernamen

[p. 268]

 

 

die steerne staen voer hem

 

ter tyt toe dat sy vonden

 

dat kyndekyn

 

in doekerkyn gewonden

 

byder lieuer moeder syn

 

 

 

Een kyndekyn is ons

 

 

 

6   Als dat kynt was cleyne

 

van dertien dagen olt

 

men offerden hem daer ter steden

 

merre wieroec ende golt

 

mit alsoe groter weerden

 

het was daer noet

 

sy vonden daer den Conynck ryck

 

van hauen bloet

 

 

 

Een kyndekyn is ons

 

 

 

7   Als die Conyngen sliepen

[p. 269]

 

 

doe quam die engel tot hem

 

dat sy niet weder en keerden

 

al tot Jherusalem

 

in enen anderen wegen

 

syn sy ghekeert

 

tot horen Conynckryken

 

alsmen ons leert

 

 

 

Een kyndekyn is ons gebaren

 

in betlahem

 

 

 

8   Nv bidde wy den kynde

 

dat Jhs ⁺ is genoemt

 

dat hi ons wil brengen

 

mit hem int suete lant

 

daer hem die engelen lauen

 

tot alre tyt

 

des gonne ons die hemelsche vader

 

gebenedyt

+ Jhs: afkortingsteken ontbreekt

[p. 270]

 

 

 

 

Een kyndekyn is ons gebaren in betlahem

 

des had herodes toerne dat scheen aenhem

 

Amen