Handschrift Berlijn mgo 185

[lied 77]⁺

1   Alle enghelen van hemelryke
ende alle menschen op eertryke
verblyden hem alle tot eenre tyt

2   Alle cleyne kynder van tween jaren
die dede herodes sueken daer sy waren
ende hi dede hem alle nemen dat lyf
Jhesus christus van nasarenen
ghy

+ Hier is ruimte gelaten voor een opschrift; niet benut.

[p. 271]

 

syt waer mensche ende god alleyne

 

daer om sy di gebenedyt

 

 

 

3   Alsoe vroe als josep dat verhoerden

 

hi sprack tot onse vrouwen dese woerde

 

laet ons gaen vlien tys meer dan tyt

 

Jhesus christus van nasarenen

 

 

 

4   Alse sy een halue myle waeren gevaren

 

daer saghen sy enen man staen saeyen

 

sy groten hem ende leden voer by

 

Jhesus christus van nasarenen

 

 

 

5   Nu hoert guet man die dit

[p. 272]

 

coernken seyet

 

Ist dat daer yemant nae ons vraget

 

soe segt wy voeren hier hen doe gi dit seyden

 

Jhesus christus van nasarenen

 

 

 

6   Als herodes dat verhoerden

 

hi sprack tot synen knechten dese woerde

 

laet ons gaen sueken dat hilige wyf

 

Jhesus christus van nasarenen

 

 

 

7   Als sy een halue myle waren geuaeren

 

daer sagen sy enen man staen meyen

 

sy grueten hem ende worden verblyt

 

Jhesus christus van nasarenen ghi

[p. 273]

 

 

 

8   Nv segt ons man die dit coernken meyet

 

saegdi hier niet een joncfrouwe voerby vaeren

 

sy was gecledet imt witten habyt

 

Jhesus christus van nasarenen

 

 

 

9   Doe ic dat seyden dat ic nv meye

 

doe voer hier ene joncfrouwe voer by

 

sy was ghecledet imt witten habyt

 

Jhesus christus van nasarenen

 

 

 

10   Herodes sprack tot synen schare

 

wal op laet ons toe huys wert varen

 

tys al om niet dat wy hier syn

[p. 274]

 

 

Jhesus christus van naseren

 

gy syt waer mensche ende god alleene

 

daer om sy di gebenedyt Amen