Handschrift Berlijn mgo 185


[lied 66] 1 ONs genaket die auent steerne die ons verlichtet alsoe claer wal was hoer doe susa nynna susa noe Jhesus mynne sprack maria toe 2 Dat huys dat hadde soe mennich gat daer christus in gebaren was hoer doe susa nynna susa no Jhesus mynne sprak ma
[pagina 221]
Ga naar voetnoot+ rien toe 3 Sy setten dat kynt op hoeren scoet sy cussedet voer syn mondekyn roet het was soe suet susa nyna susa noe 4 Sy setten dat kynt op hoeren knyen sy sprack groet eer moet v geschien wal was hoer doe susa nyna 5 Sy setten dat kynt op oren narm mit groter vrouden sach syt aen het was soe suet susa nyna susa no 6 Die moder die makeden den kynde een bat hoe lieflic dattet
[pagina 222]
daer ynne sat wal was hoer doe susa Nynna susa no 7 Dat kyndekyn pleterden mitter hant dattet water wtten becken spranc wal was hoer doe susa nyna susa no 8 Die os ende oec dat eselkyn die aenbeden dat suete kyndekyn wal was hoer doe susa nyna susa no Jhesus mynne sprack marien toe Amen	voetnoot+ Er lijkt hier (op grond van de foto’s) iets raars met de (waarschijnlijk 19de eeuwse) paginering. In het handschrift is er aanvankelijk per ongeluk p. 231 in plaats van p. 221 genoteerd