Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Conditer alme sydere1 UAn vrouden ons die kynder syngen
des auendes doe sy heymwert gyngen
dat god onse here gebaren waert
op enen wal hiligen kerstes nacht
2 Dat was die alre coldeste nacht
die god der werlt ye gegaf
die god der werlt ye gesciep
in eenre crybben waert hi gelecht
3 Toe betlahem waert hi gebaren
in eenre crybben waert
| |
[pagina 217]
| |
hi vercaren
daer en was nyemant nae noch by
dan Josep ende die maget maria
4 Maria en hadde hoer niet bereyt
tot enigerhande wiegen cleeyt
daer si hoer lieue kynt in want
Josep die toech alte hant
5 Die hasen vanden benen syn
diemen ons noch taken latet sien
ende daertoe dat wal hilige cleet
daer god syne menscheit in ontfenck
6 Die Conynck herodes die toernden hem seer
hi sprack hoe solde een arme deerne
een
| |
[pagina 218]
| |
kynt gewynnen sonder man
dat heer waer auer die werlt al
7 Conynck herodes des doet ons noet
Nv slaet ons alle die kynder doet
en spaert noch conynck noch keysers kynt
soe waer gyse inden lande vynt
8 Sy slogen der elf dusent doet
sy storten al oer Jonge bloet
hoe diep dat sy daer ynne woet
al in der Jonger kynder bloet
9 Een stemme al vanden hemel quam
tot Josep den wal hilige man
scaffet v van hen der doet ons noet
of Jhesus christus
| |
[pagina 219]
| |
blyuet hier doet
10 Josep die liep ende ran
dat hi een eselkyn gewan
daer op setten hi dat maegdekyn
mit oren wal lieuen kyndekyn
11 Maria doe vaste voertgereet
den langen wech den smaelen pat
soe weer al in dat egipten lant
daer waren sy al onbecant
12 Daer nae auer driendertich Jaren
waert Jhesus aen dat cruce geslagen
dat cruce was xv voeten lanck
och Jhesus christus was soe cranck
13 Van geyselen ende van swaren
| |
[pagina 220]
| |
slagen
dat hi dat cruce niet en conde gedragen
daer toe soldewi ons voegen
dat wi tcruce mit hem droegen
Amen
|
|