Handschrift Berlijn mgo 185

[p. 214]

[lied 64]

GAde wil ic myn herte opgeuen ⁺
ende doen my alre menschen af
ende setten myn troest in dat ewige leuen
daer ickes geduerich vynden mach

1   Herte ende syn wil ic hem geuen
bauen alle den genen die ic mynne
dat ic soe spaede hebbe begonnen
dat is my van gueden herten leet
Gade wil ic myn herte

2   Mocht ic dat wesen gades gebrucken
mynnentlic al inder zielen myn
soe solde ic alle dynck wt my sluten
die my een hynder mochte syn

+ Blijkens de herhaling is dit een koprefrein.

[p. 215]

 

Gade wil ic myn herte

 

 

 

3   Daer toe en kan ic niet geraken

 

Hi en voer my in een styl afgront

 

daer ic mach kennen ende leren smaken

 

hoe lief dat lief spreket sonder mont

 

Gade wil ic myn herte

 

 

 

4   En solde ic nummer meer syn hulde verweruen

 

noch troest van hem in geenre noet

 

nochtant wil ic syn eygen blyuen

 

geestelike vast tot inder noet

 

Gade wil ic myn herte

 

 

 

5   Ick geue my op het is meer dan tyt

 

ic legge myn hoeft in uwen scoet

 

want gy toemael myn eygen syt

 

soe help

[p. 216]

 

ons god wt alre noet

 

Amen