Handschrift Berlijn mgo 185

[lied 63]

1   Nv vervrouwen wy ons tot deser lieuer stont
men doet ons groter

[p. 213]

 

vrouden cont

 

ons is gebaren inder werlde troest

 

van hem is al die werlt verloest

 

des sullen wi alle wesen vroe

 

syngen ende spryngen ho

 

Gloria in excelcis deo

 

 

 

2   Van Jesses wortel gaerdekyn

 

van ons moetstu gelauet syn

 

ende oec dat suete bloemekyn

 

dat ons god liet in menschelicken schen schyn

 

des sulle wy alle wesen vroe

 

syngen ende etc

 

 

 

3   Waer sach yeman alsulken meyt

 

die sonder wee ende sonder leyt

 

der werlt heeft een kynt gebracht

 

dat heuet gedaen die gades cracht

 

des sullen wi alle wesen vroe

 

syngen ende spryngen hoe

 

gloria in exselcys deo

 

Amen