Handschrift Berlijn mgo 185


[lied 60] 1 IN alle der werlt en vyndic niet noch in den hemel hier bauen dat gades mynne bauen gaet wie cans toe volle gelauen 2 Wat wille wy nv voertbrengen yet van deser hoger mynnen want sy recht wt toekundigen is ten kan geen man besynnen
[pagina 206]
3 Nochtans en hoert ons te maele Ga naar voetnoot+ van deser mynnen te swygen van soe wille wy syngen yet op dat wi se moegen vercrygen 4 Des enghels nyt was hem te swaer hi stont in groten stryden hi gaf consent hi voel van daer des moste wi alle liden 5 Wy waren al om syne mysdaet ende ons en was noch trost noch raet eer god waert mensche gebaeren 6 Die tyt volquam ende god ontboet Marien der Jonger maget eene nye bosscop blyscap groet soe dat sy waert versaget
[pagina 207]
7 Ghegruet systu sprack gabryel Ga naar voetnoot+ Maria vol genaden du salste baren emanuel soe heeft sich god beraden 8 Maria vrouwe ontvrucht v niet ontfanget den sone gaedes hi is almechtich diet gebiet wes dancber syns gebodes 9 Doe sprack die weerde Conynginne wt al oers hertsen gronde ic byn syn snoede deernekijn my geschie nae dinen woerden 10 Doe quam die hele godheit daer Jhesus marien soene Och laet ons alle vrolic syn die mystroest is verdreuen
[pagina 208]
11 Ghebaren is dat kyndekyn dat sal ons tleuen geuen dat heeft gedaen doe mynne syn gelaeuet soe moet hi wesen Amen	voetnoot+ hier is het woord 'nyet' weggevallen. voetnoot+ gabryel: na ga: 'bly' doorgehaald.