Handschrift Berlijn mgo 185

[lied 61]

1   Cryste du byste licht ende dach
voer di sich nyemant verborgen en mach
een licht van licht men di verstaet
een salich licht gi ons verclaert

2   Ick bidde di hilige here
di in deser nacht behoede my
in di soe sydie ruste myn
laet ons desen nacht in vreden syn

3   Verdryft des swaren slapes

[p. 209]

 

vrijst

 

geeft ons te ontgaen des viandes lyst

 

dat vleysche dat suuer ende reyne sy

 

soe stae wy sware sorgen vry

 

 

 

4   Nv slapet oghe sonder leyt

 

dat herte waket in stedicheit

 

bescherme ons gades rechter hant

 

verloest ons vander sonden bant

 

 

 

5   Beschermer alre kerstenheit

 

din hulpe sterck sy ons bereyt

 

nv helpet ons here wt alre noet

 

doer din hilige wyf wonden roet

 

 

 

6   Ghedencke here der swaere tyt

 

die inden liue geuangen licht

 

der zielen die du heueste verloest

 

doer geuet lieue here

[p. 210]

 

uwen ewigen troest

 

 

 

7   Des vaders cracht des sones list

 

des hiligen gheestes guede gonst

 

hebt lof ende eer ende weerdicheit

 

doer dyn ongemeten ewicheit

 

Amen