Handschrift Berlijn mgo 185


[lied 59] 1 HEt is guet in Jhesus tauerne te gaen betaelen is daer af gedaen dat is ons seer genaem hebt Jhesus lief hebt Jhesus lief hebt Jhesus lief ende laet die werlt tys tyt
[pagina 203]
2 Wie is die man die niet en kan in Jhesus kelre te wyn te gaen hebt Jhesus lief hebt Jhesus lief ende laet die werlt tys tyt 3 Heer Jhesus weert schenket ons den wyn al wt den mylden herten dyn ghi hebten soe wal betaelt al mitter sueter mynnen dyn 4 Laet ons daer mede dedachtich sijn al hebbe wy lange gedwaelt du hebste voer ons soe mynlic betaelt wy moegen mit vrouden wal gaen totti hebt Jhesus lief 5 Gaet voert werdynne past ons
[pagina 204]
een gelaech wy hebben gesundiget soe mennygen dach dat laten waer wal tyt hebt Jhesus lief 6 Tsal geschien sprack sy mit dien Hoe voel het sy ic nemet op my hebt Jhesus lief etc. 7 Wy willen gaen dancken onse weerdynne Maria die hemelsche Conynginne die ons verblyden mach 8 Wy willen gaen dryncken mit blyden syn in Jhesus kelre mit rechter mynnen ende scheyden niet van dan 9 Doe ons soe vrendelike heuet ontfaen op sinen cost soe gaen wy vry hebt Jhesus lief hebt Jhesus lief hebt Jhesus lief ende laet die werlt tys tyt Amen