Handschrift Berlijn mgo 185

[lied 58]⁺

1   ONs is gebaren nv ter tys
Jhesus christus gebenedyt

+ Er lijkt boven lied 58 ruimte te zijn overgelaten om een wijsaanduiding te noteren: dit is echter achterwege gelaten. Dat geldt ook voor de liederen hierna.

[p. 200]

 

Hi is god ende mensche des seker syt

 

die ons van sonden heuet gevryet

 

 

 

2   Den hemel ende eerde niet en conde beuaen

 

den heuet een teder maget ontfaen

 

in hoeren weerden lichaem heeft sy hem beuaen

 

mit enen woerde heeft sy hem ontfaen

 

 

 

3   Die maget waert moeder ende baerden een kynt

 

oer maegdom bleef al ongeschent

 

beulecket soe en waert sy nye ter tyt

 

mer sy bleef maget van gade gemynt

 

 

 

4   Dat kynt wiesche op ende waert een man

 

den heelschen drakjen hi verwan

 

daer alle onse salicheit leget aen

 

daer ewige

[p. 201]

 

salicheit leget aen

 

 

 

5   Voer ons heeft hi genoechgedaen

 

hi heeft van mynnen den doet ontfaen

 

dat hemelryke heeft hi opgedaen

 

dat lange geslaten hadde gestaen

 

 

 

6   Desen kynde soe bidden wy

 

dat vander reynre maget vry

 

gebaren wolde weerden

 

dat hy ons arme sundaren genadich sy

 

 

 

7   Wy bidden der moeder van desen kynde

 

dat sy in onse hulpe sende

 

oer kynt tot desen lesten eynde

 

dat ons die viant niet en schende

 

 

 

8   Maria soe heyt die maget

[p. 202]

 

reyne

 

dat kynt heit Jhesus van naserene

 

wi bidden hem dat hi ons verleen

 

syne gracie want onse doget is cleyn

 

 

 

9   Lof glorie eer ende weerdicheit

 

die moet hem syn in ewicheit

 

Want hi ons allen heuet bereyt

 

die wech totter ewiger salicheit

 

Amen