Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse ic sach een vrys vrouken voer my staen sy was fier ende1 O Here der hemelen
stichter ende alle der werlde verlichter
als ic my van bynnen beschouwe
soe heb ik grote Ga naar voetnoot+
| |
[pagina 196]
| |
2 Myn schult is also groete
die ic betaelen moete
myn mysdaet is alsoe menchuolt
tys wonder dat my god ontholt
3 Ick mochte wal rechte myshapen
van groten swaeren saken
mer my is troest gecomen
nye vroude heb ic vernamen
4 Crystus is ons gebaren
ten blyuet nyemant verlaren
die Jhesum wil versoeken
gewonden in armen doeken
5 Ick wil myn willeken richten
soe en derf ic niet meer swichten
want nv die enghelen syngen
vrede den menschen van gueden willen
6 Ick wil mitten hierdekens lyden
| |
[pagina 197]
| |
toe betlahem ter syden
daer vynde ic dat wal suete kynt
mit syre moeder seer ghemynt
7 Al Ist in doeken gewonden
het vryet nochtant van sunden
al Ist in eenre crybben geleyt
hy Ist die hemel ende eerde draghet
8 Ick wil mitten Conyngen comen
want ic hebbe wal vernamen
dat sy ter stede syn geleyt
mit eenre steernen onderscheyt
9 Sy offerden vanden besten
al dat sy conden geleysten
ic wil oec des gelickes doen
met mynen eyget die gades soen
10 Och mocht ic vorder naken
dat my maria oer lieue kynt
wolde
| |
[pagina 198]
| |
handelen laten seer ghemynt
dat solde myn hert verblyden
11 Hoe geerne wolde icken ontfangen
mit mynen armen omvangen
ic wolden aen my drucken
mochtet my nae willen gelucken
12 Syn voetkens wolde ic cussen
mit mynnen aen my drucken
syn hertekyn vol der godtelicheit
dat wolde ic cussen al bereyt
13 Mochte hi mynen adem liden
ic wolde noch nare tyden Ga naar voetnoot+
ick wolde syn mondekyn rueren
och mochtet lange dueren
14 Wolde hi my syn handekens reyken
een mynlic vredelic teyken
| |
[pagina 199]
| |
soe waer mynen noet verwonnen
wat solde my deren connen
15 Al is dit wal gesongen
ten is niet dan begonnen
die Jhesus wil gewynnen
die sueken al van bynnen
16 Die Jhesus heuet te vrende
hy voert oen nae deser ellenden
al in syns vaders hemelryke
och vrent wie doet ons des ghelick
17 Och Jhesus heer Conynck auergroet
vryet ons van sunden voerder doet
geeft dat wy ons besynnen
ende v alleene mynnen
Amen Ga naar voetnoot+
|