Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse puuer nobys nasytur1 O Ga naar voetnoot+ Ons is gebaren een kyndekyn
noch claere dan die sonne
dat sal ons alle vroude syn
al totter enghelen wonne
| |
[pagina 193]
| |
2 Die steernen geuen ons lichten schyn
al doer den hemel gedrongen
Maria die heeft hoer lieue kynt
mit ganser mynnen gewonnen
3 Sy legden in een crybbekyn
mit oren snee witsen handen
sy cusseden voer syn mondelyn
des had oer seer verlangen
4 Dat kyndekyn spoelden der moeder toe
mit synen cleynen armkens
het lachgede oer alsoe suetelicken toe
mit blyden blenckenden ogekyns
5 Waldy waldy Joncfrouwelyn
der sueter weerder stonden
dattu dat suete kyndekyn
mit ganser mynnen hebt gewonnen
| |
[pagina 194]
| |
6 Nv swyget nv swyget myn kyndekyn
myn god myn troest myn here
van di soe sal ic moeder syn
beholden mynre eren
Amen Ga naar voetnoot+
7 Een kynt is ons gebaren
een soen is ons gegeuen
hi heeft versoent syns vaders toern
hi brenget ons int ewighe leuen
8 Doe Jhesus christus gebaren was
gewonden in armen doeken
daer en was bont daer en was graeu
hi lach mit bloeten voeten
9 Die osse ende oec dat eselkyn
en konden niet gespreken
doe Jhesus inder crybben lach
doe lieten sy oer eten
10 Die osse ende oec dat eselkyn
| |
[pagina 196]
| |
die dreuen daer grote feeste
doe Jhesus inder crybben lach
tusschen tween stommen besten
11 Die osse ende oec dat eselkyn
die dreuen daer groten wonder
doe Jhesus inder crybben lach
in crancken doeken gewonden
12 O et o et gloria
dat suetste vander mynnen
dat is Jhesus marien soen
god laten ons gewynnen
Amen
|