Handschrift Berlijn mgo 185

[lied 54]

Dyt is die wise wie bedacht dat scheiden wt mynnentliker luest gheen man en mach

1   Ic solde soe gherne mynnen
dat alre hoegheste goet
ic werde beleet van bynnen
bedrucket yn mynen moet
wees mach ic my verbliden
yn deser ellende groet
weer ic wt mynen sonden
verwonnen weer al mynen noet

2   Help god ick sals beghynnen
nu starcket my den moet
den

[p. 186]

 

hemel wil ic wynnen

 

al soldet my coesten myn bloet

 

Een iongheliynck ionck van iaeren

 

seer wys yn synen moet

 

armoede hadde hi vercoeren

 

al omme dat hoegheste goet

 

 

 

3   Exempel nemet voer oghen

 

van den hilighen alexius

 

hoe dat hi wort verschouen

 

al yn syns vaders huys

 

Een pelgrum yn ellende

 

hi leet soe menych verdriet

 

weer hi onder syne vrende

 

hi en condes ghedraeghen nyet

 

 

 

4   Liden druck ellende

 

dat is dat beste cleet

 

dat god gheuet synen vrenden

 

dat si hem lieef of leet

 

wi synt hier yn ellende

 

dat is ons wal becant

 

Men en vynt ghene trouwer vrende

 

dan yn onse vaeder lant

 

 

 

5   En wildes v nyet bedroeuen

 

of ghi hier wordet versmaet

 

v sal noch soe wal ghenoeghen

[p. 187]

 

als ghi dat loen ontfaet

 

en wildes v nyet bedroeuen

 

yn liden nyet verslaen

 

Men sal die vrende proeuen

 

of si oeck vaste staen

 

 

 

6   Wie hem nu kan gheliden

 

ende laetent auer gaen

 

hie sals hem noch verbliden

 

van ihesus troest ontfaen

 

al byn ic nu gheuanghen

 

ic sal noch werden quyt

 

heer ihesus woert alsoe banghe

 

al omme syn eyghen rike

 

Amen

 

Leert steruen eer tyt

 

 

 

Een aue maria voerden scryuer omme goedes willen

 

Deo gracia