Handschrift Berlijn mgo 185

[lied 52]

Dyt is die wyse hoe lustelick is ons die coele mey ghedaen

1   Och hoe lustelick is ons die coele mey ghedaen
ende sprutet wt myt bloemkens menygher leye
soe wie myt druck ende liden is beuaen
yn ihesus wonden sal hi hem vermeyen

2   Nu synt die telgheren wide wt ghespreit
ende bloeyen schoen ghelick den roeden roesen
soe wie syne sonden toe rechte beschreyen wil
onder desen boem soe sal hi hem vermeyen

3   Die mey is ons al bi den weghe gheseet
op enen barch ende die is alsoe hoeghe
op dat een yeghelick sonder leet
die roesen mey vrilick aenschouwen moeghe

[p. 182]

 

 

 

4   Hoe recht op ghewassen soe is die edele mey

 

gheplantet yn alsoe diepen daele

 

Dat is maria die maeghet reyn

 

van mynnen soe starf dye fyne nachtegaele

 

 

 

5   O edel nachtegaele die alre schoenste boem

 

Ende hadde syne blaede soe wide doe ontloeken

 

hi sanck soe lude die vij noeten hoeghe

 

soe dat syn edele hartken is ghebroeken

 

 

 

6   Nu is die nachtegaele hier ghebleuen doet

 

al omme die mynne van eenre schoenre ioncfrouwen

 

hi is ghecoemen al wt syns vaders schoet

 

waer sach ye man ghelicheit deser trouwen

 

 

 

7   Soe wie syne zynne noch onghestadich synt

 

ende wt ghedielt tot eerdeschen creaturen

 

die marcke wal aen den nachtegale fyn

 

hoe hi den doet

[p. 183]

 

omme onsen willen wolde liden

 

Amen