Handschrift Berlijn mgo 185
(15de eeuw)–Anoniem Handschrift Berlijn mgo 185–
AuteursrechtvrijDyt is die wyse heelp god wien sal ic claghen dat ick dus droeuych byn ic en creech1 Heer god wie sal ic claeghen
al myne verlaeren tyt
myne conciencie wil altoes claeghen
sie en gheuet my gheen respyt
Ic moet my leren liden
die schulden die synt myn
ic en can my nyet verbliden
druck moet myn eyghen syn
2 Och heer ic sal v vraghen
wolde ghi my wal verstaen
sal ic noch langher iaeghen
eer ic v sal connen gheuaen
van rouwen duchte ic toe steruen
bedroeuet isset har
| |
[pagina 178]
| |
te myn
can ic v nyet verwaruen
druck moet myn eyghen syn
3 Och mensche myn weselike belde
och lidet v nu ter tyt
wat wildi my vertellen
dat ghi yn drucke synt
ic hebbe v wtuercoeren
ic kenne wal uwen gront
mach v wat troestes gheboeren
weest hoeues yn uwen mont
4 Die warlt is schoene van woerden
bedroech heeft si gheleert
recht als die wynt van noerden
soe is sie omme ghekiert
men en mach daer nyet op betrouwen
dat segghe ic v myt vlyt
aen ihesus wil ic my holden
nu ende tot alre tyt
5 Och mensche myn lieflike wesen
och lyt v nu ter tyt
ick hebbe v wal bewesen
dat ghi die liefste synt
ic hebbe omme v gheleden
soe menych zwaer torment
wolde ghi my nu
| |
[pagina 179]
| |
begheuen
soe worde ghi myns conteent
6 Och heer wilt doch ghedencken
hoe menych zwaer versucht
als ic v plach toe schencken
noch doe ic des ghelick
ic haepe die tyt sal coemen
al wt den harten myn
laet my nu troest verwaruen
vroude sal myn eyghen syn
7 O ziele v soete woerde
gaen yn dat harte myn
ghi wordet wal ghenesen
aen dencket myn groete pyn
myne gonst soeldi vercryghen
wildi ghetrouwe syn
soe soele ghi bi my blyuen
vroude sal v eyghen syn
8 O ihesus ghemynde here
ghi hebt my wal gheleert
myn harte dat wil ic kieren
tot al dat ghi beghert
seer vrentlick wil ic v draeghen
al yn dat harte myn
nae v is al myn iaeghen
laet vroude myn eyghen syn
| |
[pagina 180]
| |
9 O mensche myn lieflike wesen
nu leuet yn goeden haepe
daer lichter soe menych gheuanghen
die naemels woert verloest
Weest hoeues yn uwen woerden
v liden en claeghet nyemant dan my
troest soldi aen my vynden
nu ende tot alre tyt
10 Ic dancke v ihesus here
van uwer mynnen groet
laet my uwen troest verwaruen
helpet my wt alre noet
Dat ic doch mach aenschouwen
v vrentlike aenschyn
boeuen alle reyne vrouwen
maria die moeder dyn
11 Wat mach my nu bezwiken
myn lief heeft my verblit
doch wil ic van hem schryuen
nu ende tot alre tyt
myt synre soeter stralen
heeft hi myn herte ghewont
ic beuele my hem alte maele
al yn syns
| |
[pagina 181]
| |
harten gront
Amen Ga naar voetnoot+
|
|