Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrij
[pagina 141]
| |
en soe en wilt oen niet verquysten
want du bist ryck in armen schyn
behagel hemelschen geesten
3 Als groeyt ende bloeyt van telgen schoen
een boem mit gueder vruchten
soe schynstu voer ons here thron
O reynicheit en wilt niet suchten
dyn bou brenget hondert voldich loen
din lampe sal voer di luchten
4 Een lelye die voer gade bloeyt
die bistu gades vrendynne
van verwe van rocke van cracht vernoeyt
ses bladich geel van bynnen
van doernen dicke wyle seer vermoeyt
dit salstu geestelic synnen
5 Dese doecht heeft oec van vordel aert
| |
[pagina 142]
| |
dat sy den menschen reyne
van bynnen of ende van buten waert
daer om mynnet sy alleyne
god cuyscher herten brudegom saert
welker eer en is niet cleyne
6 Van jonfer scap exsempel scoen
wy hebben in marien
om welc sy wan den gades soen
laet ons sy benedien
oer was bekant der jonferen loen
dat dede oer cuysheit vryen
7 Het was behoert dat oer beraet
aen josep quam den cuyschen man
die voer gaen was in cuyscher daet
den bloeyenden twich den stryt gewan
hier nae heeft Jhesus oer gesat
den cuyschen hoeder Sante johan
8 Maria volget een scaer soe groet
| |
[pagina 143]
| |
van jonferen die gene pyne
om god ontsagen noch den doet
als agnus katharyna
voel meer te noemen en is geen noet
mer geerne mit hem te syne
9 Sy volgen christum staedelic
oer cleder syn soe reyne
sy syngen alte suetelic
een nye liet alleyne
mit herpen spoel in hemelryke
oer croen en is niet gemeyne
10 Och doetelic drouich auertrat
der boser lust hoe sere
die joget vermits di wort ontsat
in doget verstant ende eren
dyn wech leyt totter hellen bat
myn raet is wederkeren
Amen
|
|