Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdie wise | |
[pagina 127]
| |
1 Ghelauet systu cederboem
du hoge gelaefde holt
wanttu heuest gedragen
den edellen vorsten stolt
2 Ick meyne Jhesus christus
syn naem is wyde ende breyt
die hem in synen herten draget
hi benemet hem alle syn leyt
3 O du suete Jhesus
du edelle vorste fijn
geuet my dat ic v drage
al inden herten myn
4 Als die here heuet gehangen
aen enen cruce breyt
daer di dyn mylde herte
een scarp speer doer sneet
| |
[pagina 128]
| |
5 Op mynes lieues houet
daer steet een crenselkyn
dat crensellyn is bedouwet
mitten edellen bloede syn
6 Och waer myn herte een gaerden
van edellen blomekyn
soe wolde ic daer in planten
myns lieuen crensellyn
7 Die bloemkens die ic meyne
die heyten ommylitas
die andere selue bloemen
die heyten spes fydes caritas
8 Wt mynes lieues herten
daer sprynget een bornekyn
een ryuierken wil ic leyden
al inden gaerden myn
9 O Jhesus gaerdenere
du ware
| |
[pagina 129]
| |
ackerman
woldestu myns gaerdes plegen
soe worde hi lauesam
10 Mynes lieues armen
staen wyde wtgebreyt
Och mocht ic daer in rusten
soe vergete ic alle myn leyt
11 Hy heeft tot my geneyget
synen edellen roder mont
och mocht ic en cussen
myne ziele die worde gesont
12 Soe ic hem aenschouwe
den vorsten hogebaren
die mynne heeft ham verwonnen
syne verwe heeft hi verlaren
13 Aen mynes lieues syden
daer
| |
[pagina 130]
| |
licht Ga naar voetnoot+ een gulden screen
och waer ic daer in beslaten
al naeden willen myn
14 Ick en kan daer niet in comen
du en leydes my daerin
wanttu heues gespraken
sonder my en moegdi niet doen
15 Tot mynes lieuen voeten
daer steet een boemekyn
mocht ic daer onder spacieren
ick vergete oec alle myn pyn
16 Wanneer ic myn lief verliese
des dages ende oec des nachtes
soe mach icken weder vynden
al aen des cruces ast
17 Die mynne heeft hem gebonden
| |
[pagina 131]
| |
die hilige hande syn
al aen des cruces aste
myt plompen nagel Ga naar voetnoot+
18 Sie ic hem aen die voeten
den lieuen heren myn
hi steet soe vaste genagelt
hi en wil ons niet ontvlien
19 Och alre liefste here
hoe dicke ic di ontflie
om mynre sunden wille
is my myn herte soe wee
20 Ghedencke here der reden
die van di gescreuen syn
wanneer ic verhoget weerde
alle dynck wil ic nae my tien
21 Soe bid ic v lieue here
doer dynre lieuer cracht
trecket mynwylde herte
| |
[pagina 132]
| |
al aen des cruces cracht
22 Dat myn herte moete rusten
al inden wonden dyn
al tusschen dinen borsten
als een merren bondekyn
23 regiere my lieue here
dach ende nacht tot alre stont
dat ick di lief gewynne
van alle myns hertsen gront
24 Wal op mynre zielen crachten
ende maket v sneel al hier
ende dient den heren mit vlyte
dat is al myn begeren
25 Dat hi ons niet en ontwyke
aen hem licht alle myn troest
altoes als ic hem niet en geuoele
| |
[pagina 133]
| |
myn ziele en wort niet verloest
26 Soe bid ic v lieue here
doer dine sware pyne
soe verenige my in dinre mynnen
soe en mach my nvmmermeer bet geschien
Amen
|