Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Hoe lustelic waert der mynnen bant ontslaten mit groter1 Hoe lude soe sanck die lere opter tynnen
die nv in swaren sunden leuet
die mach sich wal besynnen
dat hi hem een tyt toe gade wert keert
eer hem die doet die wech ondergaet
hi is wys diet wal besynnet
2 Och edelle mensche nv dencket
| |
[pagina 123]
| |
du moetste ommer steruen
en bystu dan niet van sonden vry
gades hulde moetstu deruen
wy hebben versumet soe seer die tyt
ropet noch genade heer vader ryck
laet ons v hulde verweruen
3 Ende dat verhoerden een jongelync jonck van jaren
hi sprack heer lere onversaget
hoe moegdy aldus geberen
ick mach noch leuen mennighen dach
ende hebben vroude ons groet gemack
ende nochtant toe gade varen
4 Die lere die sprack dyn vroude en mach niet dueren
des lydens comt soe mennichvolt
in eenre corter vren
och haddestu
| |
[pagina 124]
| |
nv die synne myn
dat v nv doncket vroude syn
dat en is my niet dan trueren
5 Die jongelynck die sprack ic en kans my niet besynnen
ic moet gebrucken mynre jonger joget
mit dansen ende mit spryngen
die veyge syn die moeten steruen
wal op laet ons nae vroude veruen
ons mach noch heyl gelengen
6 Die lere die sprack dyn woerde syn seer vermeten
waer syn al dine gesellen gebleuen
die by di waren geseten
se waren van jaren dyns gelic
ende daer toe stolt van moede ende ryck
die worme hebben sy gegeten
| |
[pagina 125]
| |
7 Die jongelync die sprack is my dat hemelrick ontferret
soe is die werlt soe seer verkeert
den rechten wech my erret
ic was gewaden in een wat
ic hadde gemyst den rechten pat
ic en weet niet wat my arret
8 Die lere die sprack woldestu dyn herte noch neygen
den rechten wech toe gade wert
wil ic di gerne leren
der werlde troest en is niet dan een caf
ende wilstu noch niet laten af
die helle die wort dyn eygen
9 Die jongelync die sprack ic dancke des gade sinre gueden
god seluen heeft v hier gesant
my
| |
[pagina 126]
| |
te wysen ende toe stuere
nv helpt my inden rechten pat
dat ic deser werlt wesen af
sy wort my voel te suere
10 Die lere die sprack ic danc sie des gade synre guede
dat sich dese jonge man heeft bekeert
in alsoe corter vren
nv holt dy an die tien gebade
ende dienet onsen heren gade
ende holt di vry van sunden
11 Die jongelynck die sprack mit alsoe dummen synnen
help ryker here gode van hemelryke
hoe sal ic des begynnen
dat ic aentoege enen grawen roc
soe waer ick alder werlde spot
mit dien keerden hi hem omme
Amen
|
|