Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse dat vryden een houes rydder soe mennygen lieuen dach enes1 Myn hert dat is in liden
alst dencket opt hemelryke
daer sy hem alle ver
| |
[pagina 118]
| |
blyden
mit Jhesus ewelicke
ende syn van sorgen vry
och here hoe wee is my
als my comt inden syn
dat ic daer niet en byn
2 Och ic byn hier beneden
hier bauen die ic mynne
tys lange tyt geleden
ic en hoerden nie van hem
hoe dattet mit hem staet
O Jhesus lief ontfaet
myn ziele die aldus seer
om v quelt lieue here
3 Wie sal myn bosscop dragen
aen Jhesus myn suete lief
och mocht ic hem behagen
dat waer al myn beryf
soe wolde ic vrolick syn
myn herte lidet dickewyle pyn
als ic my yet ontgae
ende myn lief niet vast en stae
4 Ick en weet geen beter bade
te senden aen my lief
dan ic my geue toe gade
myn herte sal syn myn
| |
[pagina 119]
| |
brief
hi salt al wal verstaen
hi ist diet herte siet aen
ende hi daer nae verleent
syne gracie die hem dient
5 O Jhesus here der heren
gades wtuercaren soen
aensiet doch myne begeeren
gelieuet v wilt doen
het is seer myne begeerte
te syn gevisentiert
van v o lief te hant
my seer nae v verlanget
6 V suete conselacie
O Jhesus lieue here
is my een grote gracie
ic bid v daer om seer
och voelde ic die in my
van sorgen waer ic vry
want hoet hert is ghewont
sy maket al gesont
7 Waer blyfdy wtuercaeren
ic en weerde v niet ontwaer
ic bid v wilt doch hoeren
myn
| |
[pagina 120]
| |
hert dat is my swaer
te maele seer ongestelt
het is om v dat quelt
van rouwen salt vergaen
macht uwen troest niet ontfaen
8 Ick had v alsoe geerne
O Jhesu lief in my
gy syt myns hertsen verclaren
mit v soe byn ick blyde
tys anders groet verdriet
al dat in my geschiet
woe schoen woe suet et mach syn
et wort al int leste pyn
9 En wilt my niet begeuen
myn alre liefste here
want sonder v te leuen
en wonsche ic nvmmer meer
gy syt myn hert myn syn
ic bid v spreket my in
laet my van v verstaen
hoe gy wilt syn ontfaen
10 Och here voel trybelacie
is my aldus bereyt
heb icket verdient och lacy
dat is my waerlic leyt
| |
[pagina 121]
| |
my doncket ghi slaet my leech
ten is ommer niet alst peech
ick clage v myn verdriet
ende gien hoert my niet
11 Och mensche gy moeget wal clagen
dat gy hebt groet verdriet
hoe soldy my behagen
en haddys lidens niet
ic heb geleden meer
al claegdi noch soe seer
och haddy my seer weert
liden waer al dine begeerte
12 Och woldi ouerdencken
wat ic v geerne wil doen
ic wil v hier voer schencken
een sunderlynge croen Ga naar voetnoot+
voer ellic wederstaen
och wat suldy ontfaen
comt v dat inden syn
wort liden groet gewynne
| |
[pagina 122]
| |
13 Ick wil v mit my croenen
voert liden dat gi lyt
ende sult my daer toe loene
voer hebben tot alre tyt
daer gi by my sult staen
ende v loen sult ontfaen
mit mynen vrenden groet
dan sydy wtter noet
Amen
|
|