Handschrift Berlijn mgo 185

[p. 110]

[lied 31]

dit is die wyse Dat geschieden op enen nyen jaeresnacht datmen toe doesborch groet

1   Ic en wil die werlt achten niet
ende dienen god in trouwen
hi sal ons loenen nae deser tyt
ende geuen ons grote vroude

2   Laet ons niet trueren in geenre noet
wy willens gade betrouwen
hi heeft geleden den bitteren doet
om hem wil ickes my holden

3   Och Maria bidt voer ons
want gi syt al vol trouwen
dat ic nae deser corter tyt
gades aensichte moet aenschouwen

4   Och mochte ic noch den dach geleuen
ten eynde van desen jaren

[p. 111]

 

dat ic die gracie gades vercrege

 

soe en waer my geen dinck sware

 

 

 

5   Och hemelsche vrouwe gaet my niet af

 

maria staet my in staeden

 

an v steet waerlic alle myn troest

 

ic rope aen v genaede

 

 

 

6   Als ic mit gade verenighet byn

 

soe gaedet nae mynen begeren

 

my sal soe wal te moede syn

 

my en mach dan nyemant deren

 

 

 

7   Nv is myn hert soe seer verblyt

 

dat ic mit gade sal wesen

 

ende syns gebrucken ewelic

 

al in syn ewige leuen

 

Amen