Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Een wyflic beelde vervrouwet mich ic hape dat sal te guede vergaen | |
[pagina 112]
| |
1 Een blyde gesichte dat toent hy my
mijns hertsen vroude tot mennygher stont
als hi ondecket syn claer aenschyn
dat mynnende herte seer doerwont
wat mach gebreken daert auer vloeyt
noch dusentwerf meer dan men begeert
van mynnen verdortet al datter groeyt
nochtant en wort mynne daer niet verteert
2 Ick gruete myn lief mit groter cracht
ic grueten mit mennygen suchten
syn aenschyn heeft bedecket die nacht
voert meer soe moet ic duchten
heer Jhesus spul is suet ende suer
van allen moet ic prueuen
hi gaet hy comet het is soe duer
altoes en machet niet toeuen
| |
[pagina 113]
| |
3 Als icken heb weerde ic des quyt
in corter stont des weerden gast
waer is hi nv die my verblyt
waer blyft hi nv myns herten rust
heer Jhs geest der mynnen bant
daer ic af spreke in trouwen
is mynnenden herten wal becant
als hi sich laet aenschouwen
4 Hy gaet hi staet hi loepet hi spryget
des moet ic vrolic wesen
gelauet sy hi diet al verhenget
wanneer sal ic genesen
Och lieue here Jhesus ic byn doerwondet
van vrouden moet ic quellen
v suete geest maket my gesont
v wil ic my beuele
| |
[pagina 114]
| |
5 Verwecke verwecke dat herte myn
O mylde god des bid ic di
het heuet ontfangen valsche venyn
verderuen moetet du en staes hem by
al screyende clage ic myn verdriet
O jhesu christi van hemelryke Ga naar voetnoot+
ic byn voel swaker dan een riet
mer datter wasset inden slyke
6 Och valsche genoechte wat doestu my
mit dinre sueticheit tot alre stont
och slape ic wake ic ick en byn niet vry
waerom myn hert is seer doerwont
daerom soe wil ic my begeuen
ende clagen god al mynen noet
in hem soe wil ic voertmeer leuen
hoe wal bedenct hi hem die dit doet
7 Wt voele joncfrouwen heb ic vercaren
een maget der gueder
| |
[pagina 115]
| |
tierenheit
van oer soe is myn troest gebaren
sy kan verdryuen alle myn leyt
myn hapen groeyt tot deser vrucht
sy verdryft myns hertsen swaerheit seer
want wie sy mynnet hi wort verlicht
gepuert van sunden al waerder meer
Amen
|
|