Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse O venus bant1 Ic wil een vrolic liet bestaen
kondic die werlt varen laen
soe woldic vrolic syngen
ic solde die helsche pyn ontgaen
ende ic solde ewich loen ontfaen
ende horen snaren clyngen
2 Ick mach wal seggen droeuich och
die werlt en is doch niet dan droch
ende al hoer creatueren
ic wil myn hertken breken daer af
al heb ic daer een weynich vrouden af
sy loent my mitten sueren
| |
[pagina 72]
| |
3 O lieue here wilt my bewaeren
al voer die helsche duuelen scaeren
sy raden my alsoe bange
sy raden my stylle ende apenbaer
sy maken my myn hert soe swaer
nae di heb ic verlangen
4 O here nemet my in v behuet
als ic van hene scheyden moet
wilt v genaede dan thonen
ghy hebt my mynnentlic verleyt
doe ic my selue had verleyt
wylt my nv ewich loenen
5 O here ic vaer op v genaede
wilt my ommer staen in staeden
als ic van hene scheyde
soe wilt myn arme ziele ontfaen
dat sy der hellen mach ontgaen
ic vaer op v geleyde
6 Die ons dit liedekyn heeft gedicht
die heeft oer gans int
| |
[pagina 73]
| |
gade verplicht
sy schenct dat int gemeene
sy wil die werlt varen laen
ende wesen marien onderdaen
ende dienen god alleyne
Amen
|
|