Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Ick reet my wtspacieren al in dat groene wolt daer vandic1 Een lietdekyn wil ick v syngen
die mynne dwynget my daertoe
van enen dien ick mynne
hi maket myn hertken
| |
[pagina 66]
| |
vroe
hi is soe fier ende mynnentlic
al ander liefte wil ic laten
ende dienen hem tot alre tyt
2 Syn naem wil ic v leren
eer ic yet vere gae
hi is bauen allen heren
als ic in die scryft verstae
Jhesus christus is syn naem
alle ander boelkens wil ic laten
want hi is seer bequaem
3 Dat krensken dat hi draget
dat is van bloede roet
dat doet myn herte versagen
al doer den groten noet
die tacken die deden hem al die pyn
al ander vrentscap wil ic laten
syn vry eygen wil ic syn
4 Syn hande worden doer grauen
al mitter naghelen twee
syn voeten doer geslagen
dat dede hem alsoe wee
Dat deden die joeden alsoe valsch
al ander
| |
[pagina 67]
| |
vrentscap wil ic laten
ende grypen hem om den hals
5 Nv is hi hoge verheuen
al anden cruce breet
och wat heeft hi bedreuen
dat hi dus jamerlic steet
tusschen tween scaekeren alsoe quaet
al ander liefte wil ic laten
ende volgen synen raet
6 Hy beual sinre lieuer moeder
die onder den cruce stont
sante johannes tot enen behueder
want hi is seker guet
nochtans soe was die wyssel cranck
al ander vrenscap wil ic laten
ende schencken hem den dranck
7 Hem dorsten nae onser salicheit
als daer gescreuen staet
die joden waren al bereyt
enen dranck was wreet
edic ende galle ende anders niet
al ander
| |
[pagina 68]
| |
vrentscap wil ic laten
wat my daer nae geschiet
8 Hy neygden syn hoeft ter eerden
hy sprack tys alle volbracht
ic heb mit groter weerden
betaelt des menschen schult
in allen leden heb ic pyn
al ander liefte wil ic laten
syn eygen wil ic syn
9 Hy sloech syn ogen ten hemel
hi sach synen vader aen
als ic genoech gepassyt byn
soe wilt mynen geest ontfaen
nv sterft die edelle Conynck ryck
al ander vrentscap wil ic laten
men vant nye syns gelic
10 Longynus sonder myden
mit enen speer was lanck
hi apende ons heren syde
daerwt vloet
| |
[pagina 69]
| |
saligen dranck
water ende bloet dat daer wt ran
al ander vrenscap wil ic laten
ende trouwen desen man
11 Die sonne die liet hoer schynen
die eerde beuede mede
van alsoe groter pynen
die stenen sprongen ontwee
ende alle die werlt die was in last
al ander liefte wil ic laten
aen hem holde ic my vast
12 Josep tot nycodemus gync
sy namen dat lichaem af
dat anden cruce gestoruen was
sy leydent in dat graf
maria die dreef soe groten rouwe
al ander boelken wil ic laten
ende wesen hem getrouwe
13 Hy neder steech ter hellen
| |
[pagina 70]
| |
hi verloesten syne vrende daerwt
adam mit synen gesellen
sy dreuen suet geluyt
hi stiet die poerten op mit gewelt
al ander boelken wil ic laten
wat my daer nae gewelt
14 Des paschedages voerder sonnen
verrees hi mit synre cracht
dat alle die rydders ontsprongen
sy bewaerden dat hilige graf
nyemant en dorsten tasten aen
al ander genoechte wil ic laten
ende dienen desen man
15 Nv is hi op geuaeren
al in dat hemelsche lant
daer sal hy ewelic dueren
tot syns vaders rechterhant
ten jonxten dagen comet hi weder
al
| |
[pagina 71]
| |
ander vrentscap wil ic laten
ende dienen desen heren
Amen
|
|