Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Ic bouden op enen dorren mast daer was ic na verdoruen1 Myt vrouden wil ic heuen aen
ende ic wil vrolic syngen
die werlt die ic gedient haen
mit herten ende oec myt synnen
2 Die werlt wil ic varen laen
ende ic wil Jhesus kiesen
gync hy niet blydelic voer my staen
ick solde den stryt verliesen
3 Ick sach Jhesus anden cruce staen
mit synen hiligen wonden
die heeft hi al voer my ontfaen
om af te doen die sunden
| |
[pagina 74]
| |
4 Ick sach Jhesus anden cruce staen
mit godtelicker mynnen
hoe geerne wolde ic hem helpen dragen
syn sware cruys van bynnen
5 Doet quam anden hogen myddach
dat god ende mensche wolden scheyden
nyeman soe droeuigen moeder en sach
van groten herten leyde
6 Maria die dreef soe groten rouwe
die moeder ende maget reyne
sy bleef oer lieue kynt getrouwe
sy hielt geloeue alleyne
7 Doet quam ander vesper tyt
dat alle man was te heyme
doe was sy alle hoere vrende quyt
sy stont onder den cruce alleyne
8 Josep tot nycodemus ghynck
mit alsoe groter oetmoede
sy namen dat edelle lichaem af
sy brachten
| |
[pagina 75]
| |
hem synre moeder
9 Sy custen hem voer synen mont
mit jamerliken karmen
Doe waert dat edelle lichaem gesont
in sinre moeder armen
10 Doet quam aen complete tyt
maria most van hem scheyden
doe hebben sy hem ynt graf gelecht
mit groten hertsen leyde
11 Doet quam anden derden dach
dat Jhesus was verresen
doe maria hem mit ogen aensach
doe was sy al genesen
12 Die ons dit lietken heeft gedicht
dat was een maghet reyne
Sy wil die werlt varen laen
ende dienen god alleyne
Amen
|
|