Handschrift Berlijn mgo 185
(15de eeuw)–Anoniem Handschrift Berlijn mgo 185–
Auteursrechtvrijdit is die wyse Addev myn lief hebt gueden nacht dat moet een scheyden syn1 Ic heb gejaget myn leuen lanck
al om een joncfrouwe schoen
die alre schoenste wyngart ranck
al in des hemels throne
mit engelen is sy wal omset
ic en kan daer niet by comen
myn sunden hebben my belet
des mach ick my bedroeuen
2 Ick byn verdoelt op deser jacht
| |
[pagina 25]
| |
die werlt heeft my bedragen
genoecht die heb ic seer geacht
in wanen byn ic bedragen
rickheit ende lof heb ic gemynt
ende ydelheit wtuercaren
in waenen byn ic aldus verleyt
den wech heb ic verlaeren
3 Ick wil opstaen tys meer dan tyt
ende sueken oer alleyn
die joncfrouwe schoen diet al verblyt
Maria is die ic meyne
sy is een wech alsmen verclaert
ic wil my tot hoer keren
den rechten wech ten hemelrike
mach ic noch aen hoer leren
4 O Jhesus here nv bid ic di
al wt myns herten gronde
van sunden wilt my maken vry
dat is nv ende tot allen stonden
doe my die puere moeder dyn
mit suuerheit aenschouwen
doer hoer wilt my genadich syn
ic wil hoer dienen mit trouwen
| |
[pagina 26]
| |
5 der engelen macht wilt opslaen
ende din ontfermighe ogen
ic heb v groetlic mysdaen
des is myn herte in doegden
sy is der sunders toeuerlaet
ende oec een troesterynne
doer hoer wylt my genadich syn
als ick sal scheyden van heen
6 Myn vrende magen ende staet
sy willen my beswyken
scryftuere bewyset my den wech
dat ic alleen moet stryden
O moeder gades daer om wilt staen
by my als ic sal steruen
want ic moet loen nae werken ontfaen
wylt my genaede verweruen
Amen
|
|