Een hantboecxken inhoudende den heelen Psalter des H. propheete Dauid

Een ander liedt, twelck men singhet voor der kinder predick.

Op de wijse. Es seind doch selig alle die. Oft op den C XIX. Psalm.

HEer Godt door dijner ghenaden keest,
Seynt tot ons hier den heyligen Gheest:
Die ons die waerheyt leere.
En gheeft verstant, moet, herte en sin,
Dat wy dijn woort reyn drincken in,
En heel tot u bekeere.
O Godt dijn ghenaede hier aen bewijst,
Dat u ons doen, en laeten prijst,
Een Godt wijs bouen maten.
Wat ons hier schadet van ons went,
En al dat helpet ons toesent,

[fol. 88r]

 

Om recht te gaen dijn straten.

 

 

 

En leert ons wel ter rechter tijt,

 

Eer ons dat leuen hier ontglijt,

 

Met onsen tal der daghen.

 

Gheeft met ghelooue, die duechden al,

 

En dijnen Gheest, die ons hier sal,

 

Houden sonder verzaghen.

 

Bewaert ons voor der menschen instel,

 

En keert die weerelt van ons wel,

 

Dat sy ons niet verblende.

 

Schenckt ons hier dijn bermherticheyt,

 

Ons toonende die salicheyt,

 

En helpt ons in ons ende. Amen.