Een hantboecxken inhoudende den heelen Psalter des H. propheete Dauid

Een auont liedt voor die kinderen in der scholen.

Op de wijse. Nu kom der Heiden Heiland. Oft op. Christ der du bist tag und liecht.

DIt dachwerck is nu oock volbracht,
O Godt had ick dat wel bedacht,
En hadde neerstich gheweest altijt,
Waer door ick ghebetert sou syn en verblijt.

So veel tijts nu is bewaeret recht,

Is my van Godt eerst aenghehecht,
Al mijn versuymen dat compt van my,
Maer alle goet, compt o Godt van dy.

[fol. 87v]

 

Gheeft my Heere dat ick u vinde hier,

 

Tot dat ick gheleert sal wesen fier,

 

En dat ick morghen mach leeren bet,

 

Die salicheyt, door u reyn woort en Wet.

 

 

 

En legt in my u gauen fijn,

 

Dat ick die nae den wille dijn,

 

Ghebruycke, so ghy van Hemel leert,

 

Blijuende van tswerelts wijsen ghekeert.

 

 

 

Beurijt nu mijn siele ende lijf,

 

Gheeft dat ick in dijner ghenaden blijf,

 

Altijt en oock op desen nacht,

 

Hout met dijnen Enghelen die wacht.