Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–Op die nauolghende wyse.![]() Alleene Godt in der hoochde sy eer,
En dancke voor syne ghenade:
Daeromme dat nu noch nimmermeer,
Ons roeren en mach gheen schade:
| |
[Folio 80r]
| |
![]() Een welgheuallen Godt op ons slaet,
Daer is nu vrede sonder verlaet,
Allen twist heeft nu een eynde.
Wy louen, prijsen, aenbidden u,
Voor dijne eere wy dancken:
Dat ghy Godt Vader eeuwelijck nu,
Regeeret sonder wancken:
Gansch onghemeten is dijne macht,
Nu gheschie wat dijnen wil heeft bedacht,
Wel ons door desen Heere.
O Jhesu Christe eenich gheboren,
Dijnes Hemelschen Vaders:
Versoener onser die waren verloren,
Ghy stilder onsers haders.
Lam Godes heylighe Heere groot,
Neempt aen die bede van onsen noot,
Erbermet u onser armen.
O heylighe Gheest, ghy grootste goet,
En Trooster salich beseuen:
Voor duyuels ghewelt voortaen behoet,
| |
[Folio 80v]
| |
Die verlost syn door Jhesum verheuen.
Met groote pijne ende bitteren doot,
Neempt af van ons elende, en noot,
Daerop wy ons verlaten.
|
|