Een hantboecxken inhoudende den heelen Psalter des H. propheete Dauid

[fol. 65r]

Een liedt op dat: Da pacem Domine.

Op den naeuolghenden thoon.

VErleent ons vrede ghenadelijck,
Heere Godt in onsen tijden:
Daer en is gheen ander ghestadelijck,
Die voor ons conde strijden,
Dan ghy onsen Godt alleene.

Als ghy verlichtet onsen moet,

Rechte wercken wy drijuen:
Daer toe gheeft ons u genade goet,
Op dat wy by dijn woort vast blijuen:
Met rechten ghelooue reyne:

[fol. 65v]

 

VVat u in onsen sonden misgreyt,

 

Wilt ons dat niet toemeten.

 

Maer nae u groote bermherticheyt,

 

Wilt dijnes thoorens vergheten:

 

Om Jhesu Christi wille.

 

 

 

Dat bidden wy u alle ghelijck,

 

Op dat wy tallen tijden:

 

Door uwe hulpe en bystant rijck,

 

Teghen ons vyanden strijden:

 

Tot dijnen lof, prijs, en eere.