Een hantboecxken inhoudende den heelen Psalter des H. propheete Dauid

Hier nae volghen ghebede lidekens, ende ten eersten, Media uita in morte sumus, verduytschet door D. Martinus Luyther.

Op die naeuolghende wyse.

Dewijl wy int middel leuen zijn,
Met den doot hier beuanghen:
Wie sal ons hulpe gheuen fijn?
Dat wy ghenade erlanghen:

[fol. 60r]

 

 

Dat zijt ghy Heer alleyne,

 

Ons sonden zijn ons tsamen leet,

 

Dijnen thooren toch van ons sprect,

 

Heylighe Heere Godt reyne,

 

Heylighe stercke Godt,

 

Ghenadich verlosser groot,

 

Ghy eewighe Godt,

[fol. 60v]

 

 

Laet ons niet versincken bloot,

 

In des bitteren doodes noot,

 

Kyerieleyson.

 

 

 

Der hellen pijne in den doot,

 

Quelt ons in allen saken:

 

Wie sal ons in dezen noot?

 

Vry en ledich maken?

 

Dat doet ghy Heere alleyne,

 

Ons claghen en elendicheyt,

 

Beweghen u bermherticheyt,

 

Heylighe Heere Godt reyne,

 

Heylighe sercke Godt,

 

Ghenadich verlosser groot,

 

Ghy eewighe Godt,

 

Laet ons niet vertzaghen bloot,

 

Voor der dieper hellen stoot. Kyrieleyson.

 

 

 

Middel in der hellen pijn,

 

Ons sonden oock hart drijuen:

 

Waer sullen wy dan snellen fijn,

 

Daer wy vry moeghen blijuen:

[fol. 61r]

 

Tot u Christe alleyne,

 

Vergoten is u dierbaer bloet,

 

Dat voor ons sonden hier voldoet,

 

Heylighe Heere Godt reyne.

 

Heylighe stercke Godt,

 

Ghenadich verlosser groot,

 

Ghy eewighe Godt,

 

Laet ons niet afuallen ter noot,

 

Van dat rechte ghelooue bloot. Kyrieleyson.