Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp den naeuolghenden thoon, door D. Martinus Luyther. Ghelooft zijt ghy Jhesu al tijt,
Dat ghy Mensche gheboren zijt,
| |
[Folio 24r]
| |
 Van eender Maghet dat is waer,
Daer af verblijt die Enghelsche schaer.
Kirieleys.
Des eewighen Vaders eenich kint,
Men nu in der Cribben vint,
In onsen armen vleesch en bloet,
Vercleet hem hier dat eewich goet. Kirieleys.
Den al des werelts crinck niet besloot,
Leyt daer in Marien schoot,
En is een kindekijn worden cleyn,
Die alle dinck behoudt alleyn. Kierieley.
Dat eewighe Licht van daer seer fijn,
Gheeft der wereldt den nieuwen schijn,
Het schijnt wel inder middernacht,
En maect ons kinders des lichts bedacht. Kirieley.
Den Sone des Vaders een God oock puer,
Wort een gast in tswerelts schuer,
Hy vuert ons wt dit iammerdal,
En maeckt ons eruen in zijn ghetal. Kirieley.
Ter aerden arm hy comen wou,
| |
[Folio 24v]
| |
Dat hy onser erbarmen sou,
En in den Hemel maken rijck,
Synen lieuen Enghelen ghelijck. Kirieleys.
Dat heeft hy ons allen hier ghedaen,
Om zijn liefde te tooghen zaen,
Des verhuecht haer al die Christenheyt,
En danckt hem des in eewicheyt. Kirieleys.
|
|