Een hantboecxken inhoudende den heelen Psalter des H. propheete Dauid

Een liedt op den text Matheus. xi. Coemt al tot my die beladen zijt.

Op de wijse. O Jesu zart Göttlicher art.

MEnighen dach, ick segghe ach,
Mijn droefheyt wast met hoopen,
Maer int gheclach, hoor ick ghewach,
Compt al tot my gheloopen:
Ghenade siet, crijcht ghy voor niet,
Door Christum tallen daghen,
Soo u Godt doet ghewaghen:

[fol. 21v]

 

Dit ist gheschal, int aertsche dal,

 

Compt tot my al, als u misual,

 

Met sonden wil verdraeyen,

 

Cleyn cuddeken ghy, compt vry tot my,

 

Ick sal u gantsch verfraeyen.

 

 

 

Van my alleyn, leert all ghemeyn,

 

Ootmoedich zijn van herten,

 

En denckt certeyn, op mijn woort reyn,

 

Sijt lijdtsamich in smerten:

 

Mijn last en pack, al met ghemack,

 

Sult ghy willich aenueerden,

 

Met my op deser eerden,

 

Als ghy zijt, een cleynen tijt,

 

In desen strijt, sal u subijt,

 

Mijn Vader den Trooster seynden,

 

Sijnen Gheest goet, die can en doet,

 

Allen druck van u wenden.

 

 

 

Godt sterck en wijs, u sy den prijs,

 

Alleene toeghemeten,

 

Gheeft ons dijn spijs, int Paradijs,

 

Met Christo te moeghen eten:

 

Dat is zijn rijck, daer wy ghelijck,

 

Met hem sullen regneren,

 

En vrolijck iubileren,

 

Door zijnen gheest, die in dit foreest,

 

Ons hier verleest, onbeureest,

 

Te prijsen Godes namen,

 

Cranck en ghesont, met hert en mont,

 

Die dit begheert spreeckt Amen.