Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de naevolghende voys. Ihesus Christus ons verlosser ient,
Die van ons des Vaders toorne went,
Door dat bitter lijden zijn,
Helpt hy ons wt der hellen pijn.
Op dat wy nimmers dat vergheten,
Gaf hy ons syn Lijf te eten,
Verborghen in dat Broot seer fijn,
| |
[Folio 12r]
| |
En te drincken zijn bloet in Wijn.
Die hem tot die Tafel maken wil,
Neme wel acht op syne saken stil,
Want die onweerdich hier toe gaet,
Voor dat leuen den doot ontfaet.
Ghy moet Godt den Vader prijsen,
Dat hy u so wel wil spijsen,
En dat hy voor uwe sonden,
Sijnen Soone totter doot laet wonden.
Ghy moet gheloouen en niet wancken,
Dat een spijse sy voor crancken,
Wiens herte is van sonden swaer,
En van angste bedroeuet gaer.
Sulcke ghenade ende barmherticheyt,
Soeckt een herte met grooten aerbeyt,
Is u wel, so blijuet van daer,
Dat ghy niet en crijghet loon seer swaer.
Christus spreeckt selue coemt ghy armen,
Laet my ouer u ontfarmen,
Den stercken en heeft gheens Meesters noot,
Sijn conste die crijcht daer wederstoot.
Had ghy u wat connen verweruen,
Wat hoef dick dan voor u te steruen,
Dese Tafel voor u gheldet niet,
Ist dat ghy u seluen wilt helpen yet.
Ghelooft ghy dat van herten gronde,
En bekennet met den monde,
So zijt ghy recht wel beghaeft,
En die spijse u siele laeft.
| |
[Folio 2v]
| |
Die vruecht moet ghi oock bewijsen,
Uwen naesten moet ghy spijsen,
Dat hy uwes gheniete zaen,
Soo dijn Godt by u oock heeft ghedaen.
|
|