Een hantboecxken inhoudende den heelen Psalter des H. propheete Dauid

Psalm. CXXXI. Domine non est exaltatum.

Is eene leere, dat wy alleenlyck op Godts woordt sien, ende met eenuoudighen herten sijnen bystandt verwachten souden, ende dat wy ons op onse eygene rechtuaerdicheyt niet en souden verlaten.

[fol. 172v]

Op de wijse. Gelöbet seistu Jesu Christ.

HEer mijn hert niet hoouaerdich en is,
Mijn ooghen, en syn niet stout gewis,
In te groote dinghen ick niet wandle,
Die my te hooch syn, om te handlen. Alleluya.

En ick niet en stilde de Siele mijn,

So werdt sy ghespeendt, wel also fijn,
Ghelijck eenen die fraey wordt ghespeendt,
Van syne lieue Moedere gheendt. Alleluya.

Inden Heeren hope Israel,

En betroudt hem, lijf en Siele wel,
Want by hem is schoon de hulpe bereydt,
Van nu aff, tot inder eewicheyt. Alleluya.