Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de wijse. Maria das Jungfrewlein zart. Oft op: O Herre Gott, dein Göttlich Wort. Oft op. Durch Adams fall ist gantz. Oft op den naeuolghenden thoon. Die ghene die hun hope teene gaer,
| |
[Folio 167v]
| |
 Op Godt den Heere legghen,
Die blijuen altijts onwanckelbaer,
Sij en laten hun niet beweghen:
Want hun gheloof niet en sneeft,
Noch gheen ghebreck en heeft,
En van Godt hebben sij die sterckte,
Daer omme seggt men zaen:
Dat sij sullen blijuen staen
Seer vast ghelijck Zyons berghe.
Rontsom vande Stadt van Jerusalem,
Daer syn so seer veel berghen:
Op dat de vyandt den wech niet inneem,
En dat hyse niet en verderue:
Also gaet Godt,
In alle noodt,
| |
[Folio 168r]
| |
Sijn gheloouich volck omgheuen,
En by hun staen,
Van nu voortaen,
Tot in het eewich leuen.
Godt is rechtueerdich, en altijdts goet,
Die en sal oock niet toelaten:
Den Godloosen coulen hun fellen moet,
Al ouer syn huysghenoeten,
Op dat niet de oprecht,
Versmaydt en word slecht,
Noch in sonden oock en valle,
Noch met syne handt,
En bedrijue schandt:
Godt bewaert de vroemen alle.
O Heer doet goet den vroemen al,
Die recht int ghelooue leuen,
Maer die ghen die van u affwijcken al,
En hun in dwaling begheuen,
Die sal de Heer,
Verworpen seer,
En met den sondarn wech drijuen,
Maer altijts wel,
Sal Israel,
In Godts sheeren vrede blijuen.
Eer sy den Vader, en den Soon,
En oock den heylighen Gheeste:
Soot in dbeghinsel was, en nu schoon,
Die ons syn ghenade leeste:
Dat wy wandlen,
| |
[Folio 168v]
| |
En altijdts handlen,
Tot loff zijns Godlijcken name:
So wie begheert dat,
Die vercrijghedt gladt,
En spreeckt nu van herten: Amen.
|
|