Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
Auteursrechtvrij
[Folio 154r]
| |
om soude een yeghelijck blijde sijn, ende Godt daerom dancken. | |
Op de wijse. Maria das Jungfreulein zart. Oft op: O Herre Gott, dein Göttlich Wort. Oft op den naeuolghenden thoon. Danckt den Heer in der eewicheyt,
Alle gader in eenen state:
Drom dat hy is altijdts bereyt,
Dlandt, en tvolck, comen te bate.
Sijn goetheyt (doch hoort)
En tallen plaetsen gaet voort,
Hy gheeft u een Wijf en kindren,
| |
[Folio 154v]
| |
 Huys, ghelt, en goet,
En een huysghesin soet,
Hy gheeft voetsel oock den Rundren.
Ghy alle die daer zijt int regiment,
Loeft doch des Heeren goetheyt soet:
Want hy maeckt sterck u handen gendt,
En gheeft u eenen so vrijen moet,
Dat ghy met cracht,
De boosen straft,
Daerom gheeftmen oock uwen state,
Loon, ghelt, ende eer,
En wat dies is meer,
Om dArmen beschudden te laten.
Prijst doch Godt hooch ghy alle ghelijck,
Die met syn woort regeeren:
En die bevueel hebt den Armen, en rijck,
Den wedt, en tghelooue te leeren:
Godts woordt alleen,
Dat eedle ghesteen,
Dat sy uwen troost, en betrouwen,
| |
[Folio 155r]
| |
Tot het licht der werelt,
Sijt ghylieden ghestelt, :
Daerom tfondament wilt sterck bouwen.
Oock ghy allegader die Christenen heet,
Danckt Godt van gheheelder herten:
Want hy is altijts goet, en bereedt,
Om te helpen wt allen smerten:
En troost uws dies nu,
Dat hy rust gheeft u,
Nae de pijn en nae tgroot lijden:
Dat u gbedt, en woort,
Oock wordt verhoort,
Daerom zijt vrolijck tallen tijden.
Verlaten so wil ick my op Godt,
Wat mach my doch voor quaets gheschien,
Vande werelt, sond, duyuel, en doodt,
Want ick sal doch mijnen lust noch sien,
Aen dese schaer,
Die teenegaer,
Met grim en gramschap omringhen,
Godts huysghesindt,
En syn lieue kindt,
Om hun ter doot te bringhen.
Godt is mijn Psalm, salicheyt, en macht,
Om niet, en vergramdt niet ghy Heeren:
Het gaet my so ickt wel hadde ghedacht:
Ick hoorden van vers een stem seere,
Die aldus luydt:
Vruechd allglijck wt
| |
[Folio 155v]
| |
Die Tgheloof recht kennen, en weten,
Wt allen noodt,
Helpt ons onse Godt,
En daerom wy hem vader heeten.
Ick en sterue niet, maer leue vry,
Godts wercken ick wtroep bequame,
Al vergramdt ghy u, al straft ghy my,
Noch sal ick den doodt ontgane:
Want Godt die gheeft my,
Dat ick hem can bly,
Dancken van gheheelder herten,
Mijn salicheyt ghy zijt,
Tot alder tijt,
Helpt my wt de plaghen en smerten.
De werelt verworpt wat God aenneemt,
Tis Christo oock so vergangen,
Tghelooue oock tselfste wel verneemt,
Aen tcruys heeft hy ghehanghen,
En doen hy stondt oop,
Doen werdt den coop,
Ouer onse sonden besloten,
Op den seluen daeg,
Ophielden die plaeg,
Tselfst heeft den duyuel verdroten.
Bidt Godt, en verhuecht u metter daet,
Dat hy dit laet gheschieden:
Die keer oock des duyuels quaden raet,
Op dat onder alle de lieden,
Clincken mach Godts leer,
| |
[Folio 156r]
| |
Hoe langher hoe meer,
O Heer wilt ons doch begnaden:
En verciert den Feestdach,
Singt op dbeste somen plach,
Want de Heer bhoedt voor allen schaden.
Danckt den Heer die so vrindelijck is,
Singt hem van gheheelder herten:
Danckt oock den Sone Jesum Christ,
De ons van alle smerten,
Heeft verlost metter daet,
En wt enckle ghenaedt,
Heeft hy ons synen gheest ghegheuen,
En al wat goet is:
Die lieue Jhesus Christ,
Die helpt ons in deewich leuen.
|
|