Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de wijse. Nun welche hie ir hoffnung. Oft op. Durch Adams fall ist gantz ver. Oft op den C XXV. Psalm.SAlich is hy die den Heer vreest fyn,
En aen zijn gheboden hier op eerden,
Lust heeft: diens Zaet sal machtich syn,
Op deerd, en ghebenedijt weerden
En tgheslacht vanden
Op gherechten,
Van rijckdom en volheyt diesglijcke
Sal wesen hun huys
Sonder eenich abuys,
Hun rechtuaerdicheyt blijft oock eewlijcke.
Den oprechten gaet sonder spodt,
Dat licht op inde duysternis:
Vanden gnadighen en rechtuaerdighen Godt:
| |
[Folio 149r]
| |
Salich is hy, die bermhertich is,
En die gheerne leendt,
Oock syn saeck so voleendt,
Datter niemandt door en word bescheten:
Eewlijck blijuen sal,
De rechtuaerdighe al,
En nimmermeer worden vergheten.
Wanneer dat God straft, en oock plaecht,
So en vreest hij hem niet seere,
Sijn hert dat hoept gheheel onuerzaecht,
Vastelijck op Godt den Heere,
Sijn hert ghetroost is,
En ten vreest niet ghewis,
Tot dat hy synen lust siet haestlijcken,
Aen syne vyanden:
En hy reyckt syn banden
Den Armen alle ghelijcke.
Eewelijck blijft syn rechtuaerdicheyt,
En met eeren wordt syn horn verheuen,
dGodloos dit siende sal dies draghen leydt,
En sulcks sal hem verdrieten euen,
Dies sal hy subijte,
Te samen bijten
Sijn tanden, en oock gheheel vergaen,
En wat hy had gheeren,
Dat sal hy ontbeeren,
En al syn begheren, is tvergheefs ghedaen.
|
|