Een hantboecxken inhoudende den heelen Psalter des H. propheete Dauid


Psalm. C. Iubilate Deo omnis terra, seruite. Is eene vermaninghe, datmen Godt daerom dancken ende vrolijcken daeromme syn souden, dat hi ons geschapen, ende door syn woort in syne Kercke gheroepen heeft.
Op de wijse vanden LIIII. Psalm. Oft op de naeuolgende melodye.
[Folio 133r]
Iuycht den Heere in alle landt, Want allen den ghenen doet hy bystandt, Die hem bidden in hun lijden: Comt voor zijn aenghesicht playsant, En dient hem met herten blijde. Bekendt doch dat de Heere Godt is, Dat hy ons van stoff heeft ghemaeckt ghewis, Tot Schapen van zijnder weyden, En tot zijn volck dwelck hy ghewis, Verlost en doet wtleyden. Met danck gaet binnen zijn poorten fijn, Met lof inde voorhouen syn, En wilt hem eere bewijsen:
[Folio 133v]
Want hy helptz al gaer wt de pijn, Die zijnen name prijsen. Want de Heer is goet en ghenadich, En zijn goetheyt die duert eewich, Daerom danckt zijnen namen, Sijn waerheyt is altijts standthaftich, Door Jhesum Christum. Amen.