Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp den naevolghenden thoon. | |
[Folio 79r]
| |
 O Heer Godt zijt my bermhertich,
Door u goetheyt ontfermhertich:
Doet wt mijn ouertreden,
Door uwe bermherticheden:
En wast my wel, o Heere Godt,
Van alle mijn misdaden groot,
En maeckt my reyn van sonden:
Want ick, die in my beuinde:
En mijn sonden zijn altijts voor my,
Ick heb alleen ghesondicht aen dy,
| |
[Folio 79v]
| |
 Voor u heb ick boosheyt ghedaen,
In uwen woorden sult ghy bestaen,
Alsmen u met recht aensoecket.
Siet in boosheyt ben ick ghewracht,
Soo my mijn Moeder heeft voorts ghebracht,
En in sonden my ontfane,
Veel sonden heb ick ghedane:
Maer tot de waerheyt hebt ghy lust,
En ghy gaeft my oock dat ick wist,
Uwe wijsheyt sonder sorghen,
Die heymlijck is verborghen:
En besprengt my met Ysoop schoon,
Dat ick reyn wordt, en wascht my schoon,
Sneeu widt, oock vruechd laet hooren my,
Dat die beenen oock worden bly,
Die ghy hebt in stucken gheslaghen.
Siet niet op mynen sondighen staet,
Maer doet doch wt alle mijn misdaet,
Heer wilt doch in my schapen,
| |
[Folio 80r]
| |
Een reyn hert: daer nae ick hake:
Ghewillighen gheest vernieut in my,
Verworpt my oock niet gheheel van dy,
Neemt niet uwen heylighen Gheeste,
Van my: zijn ghenad my leeste:
En laet tot my wederom commen seer,
Den troost u salicheyts, o Heer,
De vrije gheest onderhoude my:
De Godloosen wil ick leeren vry,
Uwen wech: datse hun bekeeren.
Vanden bloetschulden my beurijdt,
Een Godt mijnder salicheyt ghy zijt:
Op dat mijn tongh stoudt en coene,
U rechtuaerdicheyt mach beroemen:
Heer doet my op die lippen mijn,
Mijn mondt vercondicht uwen lof fijn,
Tot Offrandt hebt ghy gheen luste,
Ick gheefse u oock suste:
En alle die brandtofferand,
Die en behaghen u gheensins: wandt,
Ghy verhaetse wel alsoo seer:
Maer dofferranden van Godt den Heer,
Sijn: eenen ghebrokenen Gheeste.
Een ghebroken, en verslaghen hert,
En sult ghy niet worpen achterwerdt,
Noch en sullet niet verachten,
Dat can ick wel gdencken en achten:
O Heere Godt doet wel Zyon,
Nae uwen goeden wille schoon,
| |
[Folio 80v]
| |
Die mueren van Jherusalem,
Salmen wedrom optimmeren:
Dan sal u behaghen lustich, en bly,
De rechtuaerdighe offrandt vry,
En het brandtoffrandt nae uws gmoet:
Soo salmen dan oock de Calueren goet,
Op uwen Oultaer legghen.
Eer sy den Vader, en den Son. etcetera. 8.
|
|