Een hantboecxken inhoudende den heelen Psalter des H. propheete Dauid

Psalm. XLVII. Omnes gentes plaudite.

[fol. 75r]

Is een dancksegghinghe, dat God met sijn Euangelie ouer al regneert ende regeert, ende dat hy de Heyden tot syn rijcke roept.

Op de wijse. Nun freucht euch lieben Christen gmein.

Alle Natien Juycht Godt met gheschal,
Want zijn vrees is hooch bouen maten:
Eenen Coninck op aerden ouer al,
Is hy: sterck wtermaten:
De volcken hy onder ons voeten dwingt,
Hy kiest voor erfgnamen die hy bemint:
Godt is opgheuaren met vreuchden.

Lofsingt, Lofsingt, Godt in alle landt,

Hy is Coninck ouer deertrijcke:
Hem soudemen louen met verstandt,
O Heyden hem vreesen alle ghelijcke,
Op synen heylighen Stoel sidt Godt:
Tot hem commen veel Princen sonder spodt,
Want Godt is hooch verheuen.

Eer sy den Vader en den Soon. etcetera. 1.