Haerlemsche eerlycke uren, bestaende in korte sin-spreucken, kloecke antwoorden, en vreemde bejegheninghen

Waer is perfectheyt?

DEn Hoogberuchten braef Schilder Apelles, als hy alreede seer out geworden, ech-

[p. 69]

ter sijn Natuer even soet-aerdigh (gelijck zijn Penceel) yder behagende bleef: Op seker gastmael pratende, alwaer gheseyt wiert van sijn groote bequaemheyt: Neen seyde hy: Mijn is noch van nooden die Venus die de Griecken Xarita noemen: Sijnde het konstige Voordeel: Dit had hy niet, maer wel alle andere dinghen bekomen: Hoewel voegde hy daer neffens, veele sich beroemen van de daet, daerze selfs den naem diese draeghen willen, niet waerdigh en zijn.