Haerlemsche eerlycke uren, bestaende in korte sin-spreucken, kloecke antwoorden, en vreemde bejegheninghen

De Mensch willende alles weten, laet sich noyt selfs als met geveynsheyt kennen.

ANtigonis een Heyden zijn gebed doende, bad den Hemel dat hy sig voor veynsende Vrienden mochte behoeden: Een ander hem daer over berispende, seyde hy, Mijne Vijanden ken ick, en ick wacht'er my voor, maer teghens des Fielebouwen en sie ick sonder den Hemel geen raedt.